2016թ. հուլիսի լույս 16-ին Թուրքիայում տեղի ունեցած զինվորական հեղաշրջման փորձից հետո Եվրոպական հանձնաժողովի նախագահ Ժան Կլոդ Յունկերն անդրադարձել է Թուրքիա-ԵՄ բանակցություններին։ Այս մասին տեղեկացնում է Protothema-ն։
Թուրքիայում զինվորական հեղաշրջման փորձից հետո հասարակության որոշակի շերտ պահանջում է մահապատժի ենթարկել զինվորական հեղաշրջման փորձի կազմակերպիչներին։ Այս պահանջը, կարծես, դուր է գալիս Թուրքիայի իշխանություններին և հատկապես Էրդողանին, որը ոչ վաղ անցյալում հայտարարեց, որ, եթե այդ երկրի խորհրդարանը որոշում կայացնի՝ վերականգնել մահապատիժը, ինքը, որպես երկրի նախագահ, կվավերացնի այն։
Թուրքիայում զարգացող իրադարձությունները անհանգստություն են առաջացրել Եվրամիությունում։ Եվրոպական հանձնաժողովի նախագահ Ժան Կլոդ Յունկերը հայտարարել է, որ Թուրքիայում մահապատժի վերականգնման դեպքում, ԵՄ-ն կդադարեցնի բանակցություններն այդ երկրի հետ։
