Ռիո–2016–ում արծաթե մեդալակիր, գյումրեցի +105 կգ քաշային ծանրորդ Գոռ Մինասյանն իր ընտանիքի հետ ապրում է տնակային պայմաններում։ Գյումրու ավագանու անդամ Լևոն Բարսեղյանը երեկ հրապարակեց Գյումրիում գտնվող այդ տնակի լուսանկարները։
«Մեր փառքը նաեւ մեր քաջերն են, պատերազմի, սպորտի, մշակույթի հերոսները, դուք նայեք, թե ինչպես է Գոռի ընտանիքը խնամքով շահում ու պահում մեդաւները, ինչ սրտով ու սիրով, համեմատեք օլիմպիական լուսանկարը տնակի պատկերների հետ, անհավատալի բան է, ո՞ր երկրում լիներ էս տղեն, որ իշխանությունը գլխին դրած ման չտար։ Շատ կուզեի, որ վաղը Գոռի ընտանիքը տուն ունենար, լիներ մեկը, որը կարող էր տուն նվիրել էս մանչին, ու նվիրեր։ Երբեք նման բան չեմ խնդրել, հիմա խնդրում եմ. ով կարող է՝ տեր կանգնեք։
Քաղաքային իշխանությունը փող չունի, «Շիրակ Կենտրոնն» ու ՏՕՏ-ը անցած 6 տարում մոտ 100 բնակարան են ճարել դոնորների հետ ու 100 ընտանիքի են տեղափոխել տնակից բնակարան, իսկ էն մնացած 3.500 ընտանիքի հարցն ո՞վ է լուծելու։ Պետական իշխանությունը մեռել է, մերը չեն դրանք, կազինոյի ու սաունայի իշխանություն է։ Մերը որ լինեին, սոված երեխա ու բորբոսի մեջ ապրող չեմպիոն չէինք ունենա»,- գրել էր Լևոն Բարսեղյանը ֆեյսբուքի իր էջում։
Կարդացեք նաև
Ավելի ուշ «Շիրակ» կենտրոնի նախագահ Վահան Թումասյանը հայտնեց, որ այցելել են Գոռ Մինասյանի տուն և նրա ընտանիքին նորակառույց շենքում բնակարան առաջարկել։ Գոռի մայրը, սակայն, հրաժարվել է եւ փոխանցել Գոռի ցանկությունը, այն է՝ իրենց տնակի տարածքում երկհարկանի տուն կաոուցելը:
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
Ամոթ է, և այդ իշխանավորները ցանկանում են կրկին վերընտրվել՝ չհասկանալով, որ պատշաճ մակարդակով չեն աշխատում:
L’Arménie découvre avec indignation que l’haltérophile Gor Minasyan vice-champion olympique à Rio vivait à Gumri dans une maison préfabriquée délabrée
իսկապէս ինչ ամօթ է որ այս մակարդակին հասած ենք
բայց հպարտ ենք որ նման հերոս երիտասարդներ ունինք
Խոսքից անցնենք գործի. Ես փոխանցում եմ 20000դրամ