ՀՀ ԱԺ փոխնախագահ, Հայաստան-Ուրուգվայ պատգամավորական բարեկամական խմբի ղեկավար Էդուարդ Շարմազանովի գլխավորած պատվիրակությունը, որի կազմում են պատգամավորներ Սուքիաս Ավետիսյանը եւ Միքայել Մանուկյանը, Ուրուգվայի Արեւելյան Հանրապետության Ներկայացուցիչների պալատի նախագահ Խերարդո Ամարիժայի հրավերով սեպտեմբերի 7-ին աշխատանքային այցով մեկնել է Ուրուգվայ:
Նախատեսվում են խորհրդարանական պատվիրակության հանդիպումները Ուրուգվայի փոխնախագահ, Սենատի նախագահ Ռաուլ Սենդիկի, Ներկայացուցիչների պալատի նախագահ Խերարդո Ամարիժայի, արտաքին գործերի նախարար Ռոդոլֆո Նին Նովոայի, Ներկայացուցիչների պալատի արտաքին հարաբերությունների հանձնաժողովի, Ուրուգվայ-Հայաստան պատգամավորական բարեկամության խմբի անդամների, ինչպես նաեւ Հայ-առաքելական եկեղեցու Ուրուգվայի թեմի առաջնորդ Հակոբ արքեպիսկոպոս Գլնջյանի եւ ուրուգվահայ համայնքային կառույցների ներկայացուցիչների հետ:
