ՀԱԿ խմբակցության ղեկավար Լեւոն Զուրաբյանն այսօր ԱԺ նիստի սկզբում հայտարարեց, որ հենց նոր մի տեղեկություն է ստացել, որը կարող է օրակարգային դարձնել շատ կարեւոր մի հարց: Խոսքն Ընտրական նոր օրենսգրքի մասին է: Նա տեղեկացրեց, որ ընտրությունների օրինականության վերահսկման մեխանիզմների հաստատման վերաբերյալ համաձայնագրի նախաստորագրում է եղել, որից հետո հանդիպել են դոնորների հետ. «Կարող եմ ասել, որ այդ համաձայնագրի սպասարկման համար անհրաժեշտ 9 մլն դոլարն ամբողջությամբ կա: Միակ բանը, որ սպասում էինք, քաղհասարակության արձագանքն է»:
Նա կարդաց քաղհասարակության հայտարարությունը, որում հավանության են արժանացրել ձեռք բերված համաձայնությունը:
Լեւոն Զուրաբյանն առաջարկեց ինչքան հնարավոր է արագ նախաձեռնել համաձայնագրի վերջնական ստորագրման արարողությունը եւ քննարկել Ընտրական օրենսգիրքը:
Գալուստ Սահակյանը համաձայնեց. «Իրոք, դա այնպիսի օրենք է, որը պետք է մենք ավելի շտապ օրինականացնենք, եւ կգնանք դրան»:
Կարդացեք նաև
Հռիփսիմե ՋԵԲԵՋՅԱՆ
