Երեկ ԱԺ-ում ԲՀԿ խմբակցության ղեկավար Նաիրա Զոհրաբյանի հայտարարությունը՝ կապված ԱԺ կանոնակարգ Օրենքում առաջարկվող փոփոխությունների հետ, մամուլում տարաբնույթ մեկնաբանությունների տեղիք է տվել։ Հարկ եմ համարում պարզաբանել, որ ԱԺ ԲՀԿ խմբակցությունը, այո, պատրաստվում է ԱԺ կանոնակարգ Օրենքի նախագծում, որը խորհրդարանում կքննարկվի դեկտեմբերի վերջին, առաջարկել փոփոխություն, որը ուժի մեջ պետք է մտնի արդեն 2017 թվականի խորհրդարանական ընտրություններից հետո, որ այն պատգամավորները, ովքեր այս կամ այն կուսակցության համամասնական ցուցակով գալիս են խորհրդարան, իսկ այնուհետեւ ինչ-ինչ պատճառներով դադարում են կիսել կուսակցության եւ խմբակցության տեսակետը եւ դե ֆակտո իրենց դուրս են համարում նշյալ խմբակցությունից, վայր դնեն նաեւ պատգամավորական իրենց մանդատները։
Կարծում եմ, հասկանալի է, որ խոսքը չէր կարող վերաբերել այս խորհրդարանին, որի գործունեությանը մնացել է ընդամենը մի քանի ամիս։ Բացի դա, նոր Սահմանադրությունը պահանջում է ԱԺ կանոնակարգ Օրենքում մի շարք այլ փոփոխություններ եւս, որոնք ուժի մեջ են մտնելու միայն 2017 թվականի խորհրդարանական ընտրություններից հետո։
Այսքանը։
Հարգանքով՝ ԲՀԿ մամուլի խոսնակ Վանիկ Էլիզբարյան
