«Այսօր ՀՀ-ում շատ մարդկանց կարելի է տեսել, որ ոգեւորված են փոփոխություններով: Ժողովուրդը սիրում է փոփոխություններ, ուզում է հույս ստանալ: Բնական է, որ ընտրություններից առաջ իշխանությունը պետք է կատարեր այդ թարմացման օպերացիան, ոի ամբողջ իմաստն այն է, որ մի քիչ պակասեցնի ժողովրդի զզվանքն ու ատելությունն այս իշխանությունների նկատմամբ»,- այսօր ԱԺ ճեպազրույցների ժամանակ խոսելով Կարեն Կարապետյանի՝ վարչապետի պաշտոնում նշանակման մասին՝ ասաց ՀԱԿ խմբակցության ղեկավար Լեւոն Զուրաբյանը:
Անդրադառնալով ԱԺ-ում Կարեն Կարապետյանի խոսքերին՝ մենաշնորհների մասին՝ Լեւոն Զուրաբյանն ասաց. «Ինչ ասաց Կարապետյանը, ըստ էության, մենաշնորհների պաշտպանություն էր: Նա եկավ խորհրդարան ու ասաց՝ մեր տնտեսությունը գտնվում է չափազանց ծանր վիճակում: Երբ իշխանությունն է դրա մասին խոսում, հասկանում ենք, որ խոսքը գնում է աղետալի վիճակի մասին: Մենք դրա մասին խոսում էինք, մեզ միշտ մեղադրում էին չափազանցնելու, սեւացնելու, իրականությունը աղավաղելու մեջ: Հիմա տեսնում ենք, որ տնտեսության վիճակը գնահատելիս Կարեն Կարապետյանը տալիս է նույն գնահատականը, ինչ տարիներ շարունակ հերքում էին, երբ մենք էինք ասում:
Հռիփսիմե ՋԵԲԵՋՅԱՆ
