«Ծանր տնտեսական վիճակից դուրս գալու համար kառավարությանն անհրաժեշտ է արդյունավետ մենեջմենթ: Կարեն Կարապետյանն ակնհայտ առավելություններ ունի, տնտեսությունը լավ է հասկանում եւ մեծ վստահություն է վայելում ՌԴ-ում, որտեղ կփորձեն իրեն նվիրատվություններ անել, որպեսզի ամրապնդի իր դիրքերը ՀՀ իշխանական համակարգում»,-այսօր «Հայելի» մամուլի ակումբում ՀՀ նորանշանակ վարչապետի մասին ասաց Երեւանի մամուլի ակումբի նախագահ Բորիս Նավասարդյանը:
Թե ինչու է ՀՀ իշխանությունն ընտրել Կարեն Կարապետյանին, ըստ Բորիս Նավասարդյանի` անհրաժեշտ էր մեկը, որը հեշտությամբ կկարողանա բիզնես-սուբյեկտների հետ հաղորդակցվել:
Բանախոսի դիտարկմամբ. «Եթե Կարեն Կարապետյանի նշանակումը կապված է նրա հետ, որ Ռուսաստանից ինչ-որ բաներ ենք ուզում ստանալ, պատրաստ պետք է լինենք նաեւ զիջումների: Գազպրոմի համակարգում բարձր պաշտոն գրաված Կարեն Կարապետյանն այստեղ ներկայացնում է ՌԴ իշխող քաղաքական ուժերի եւ բիզնես-վերնախավի շահերը: Ինչ ձեռնտու է «Գազպրոմին», այն ձեռնտու է ՌԴ-ին»:
Կարդացեք նաև
Լուիզա ՍՈՒՔԻԱՍՅԱՆ
