Երևանի քաղաքապետարանում տեղի ունեցած աշխատանքային հերթական խորհրդակցության ժամանակ առևտրի և սպասարկումների վարչության պետը զեկուցել է, որ շարունակվում է խիստ հսկողությունը հասարակական վայրերում օրենսդրությամբ սահմանված ժամային գրաֆիկից հետո աղմուկի կանխարգելման ուղղությամբ: Զեկուցվել է, որ մասնավորապես նախորդ շաբաթ քաղաքապետարանի «Թեժ գիծ» ծառայության հեռախոսահամարով ստացվել է ահազանգ՝ մայրաքաղաքի կենտրոնում գտնվող բացօթյա սրճարաններից մեկի կողմից վերոնշյալ կարգի խախտման հետ կապված, որին օրենքով սահմանված կարգով տրվել է համապատասխան ընթացք: Հանձնարարվել է ոստիկանության հետ համատեղ շարունակել խիստ հսկողությունը օրենքի պահանջի կատարման ու նմանօրինակ դեպքերը բացառելու ուղղությամբ:
Խորհրդակցության ժամանակ Երևանի քաղաքապետարանի աշխատակազմի քարտուղարը զեկուցել է, որ նախորդ երկու շաբաթվա ընթացքում Երևանի քաղաքապետարանի կենտրոնական աշխատակազմի «Թեժ գիծ» ծառայության հեռախոսահամարներով ստացվել է 340 հեռախոսազանգ: Շաբաթվա սկզբի տվյալներով՝ դրանցից 316-ին տրվել է լուծում և սպառիչ պատասխան:
Զեկուցվել է նաև, որ 2016 թվականի օգոստոսին, ընդհանուր առմամբ Երևանի քաղաքապետարանում քաղաքացիների ընդունելություններին մասնակցել է 625 քաղաքացի, որոնցից 451-ի կողմից բարձրացված հարցերը ստացել են դրական ընթացք: Նույն ժամանակահատվածում մուտքագրվել է 11021 գրություն, այդպիսով վարչական շրջանների և քաղաքապետարանի կենտրոնական աշխատակազմի վերոնշյալ ծառայությունների կատարողականն էլ կազմել է 100 տոկոս:
Քաղաքապետ Տարոն Մարգարյանը, դրական գնահատելով աշխատանքները, հանձնարարել է վերահսկողության վարչության հետ համատեղ հետևողական լինել նաև քաղաքացիների հետ հետադարձ կապն ապահովելու հարցում:
Կարդացեք նաև
«Երևանի քաղաքապետարանի և վարչական շրջանների աշխատակազմերի «Թեժ գիծ» ծառայությունը կայացել է, ինչի մասին փաստում են նաև քաղաքացիների հետ հետադարձ կապի վերլուծության արդյունքները: Սա նաև փաստում է, որ մեր համաքաղաքացիները վստահում են «Թեժ գծի» աշխատանքին: Իսկ մեր համաքաղաքացիների վստահությունն ամենակարևոր ձեռքբերումն է մեզ համար: Ու մենք պետք է անենք ամեն ինչ, որպեսզի պահպանենք վերջին տարիների ընթացքում ձեռք բերված այդ վստահությունը: Աշխատանքի նույն սկզբունքը պետք է կիրառենք նաև քաղաքացիների ընդունելությունների կազմակերպման և դիմում-գրություններին արձագանքելու պարագայում, ինչը, համոզված եմ, էլ ավելի կամրապնդի մեր բնակիչների վստահությունը քաղաքային իշխանության նկատմամբ», – ընդգծել է Տարոն Մարգարյանը:
Երևանի քաղաքապետարան
Նախանցած չոր ու շոգ ամառվանից ես ահազանգել եմ այս լրատվական կենտրոնին, որ չորանում են Նոր Նորքի յոթերորդ զանգվածի Հայ-ԿանադակաՆ այգու ծառերը, քանի որ չեն ոռոգվում: Նախանցած ամռանը հարցը բարձրացվել է նաև թաղապետարանում: Խոստացան կարգավորելու բարձրացված հարցը: Ոչինչ չարվեց նախանցած տարվա ընթացքում, ոչինչ չի արվել այս ամառվա ընթացքում, իսկ արդեն չորացել են ծառերի մոտ իննսուն տոկոսը: Անցած ձմռանը կտրեցին այգու երկու ծառերը, որոնք գտնվում էին հարակից մարզադպրոցի պատի տակ: Մեր ահազանգին այս լրատվականի պատասխանը եղավ այն, որ շուտափույթ ձևով հողով ծածակեցին կտրված ծառերի բները՝ ենթադրելով, որ այդտեղ ծառեր չեն աճել: Բայց այս տարի այդ բներց աճել են բազմաթիվ շիվեր և փորձել հասկացնել տկարամիտներին, որ ծառերը չի կարելի հատել, հատկապես նման այգում, որտեղ հանգստանում են հարակից երեք զանգվածների բնակիչները: Հարգելի խմբագրություն խնդրում եմ հետամուտ լինել այս հարցին, քանի որ նույնիսկ մարդ են ընդունել աշխատանքի, վճարում են աշխատավարձ, բայց ծառերը չեն ոռոգվում ու շարունակում են չորանալ:
Ի՞նչ վստահության մասին է խոսքը:
Յոթերորդ զանգվածի 53 շենքի բնակիչները արդեն երկար տարներ բարձրացրել են կոյուղու աշխատանքի հետ կապված հիմնախնդիրը, բայց պարզվում է, որ կողուղին տեր չունի և պատասխան տվող չկա, իսկ ՀՀ ԱԺ մեծամասնական համակարգով ընտրված պատգամավորը՝ Ս.Ֆարմանյան, անհայտ կորած է ու հնարավոր չէ նրա միջոցով հարցը տեղ հասցնել:
Ատոբուսից մինչև քաղաքականություն, ներեցեք` քախկանություն