Արաբկիր եւ Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը սեպտեմբերի 20-ին քննել է «Սասնա ծռեր» խմբավորման անդամ Հովհաննես Հարությունյանի կալանքի երկարացնելու հարցը:
Նրա պաշտպան Արա Ղարագյոզյանը Aravot.am-ի հետ զրույցում ասաց, որ միջնորդությունը նախապես չէր ստացել եւ ողջամիտ ժամկետ չէր ունեցել նրան ծանոթանալու համար: Դատական նիստի ընթացքում փաստաբան Հայարփի Սարգսյանի հետ միջնորդություն են ներկայացրել դատարանին, որպեսզի ժամանակ տրամադրվի, որպեսզի իրենք կարողանան իրենց առարկությունները ներկայացնել: Սակայն, դատարանը ողջամիտ ժամանակ համարեց 1 ժամը, սակայն փաստաբանները համապատասխան տեխնիկան չունեին պատրաստվելու համար. «Ամեն դեպքում, դատարանը խախտեց կոնվենցիայի 6-րդ հոդվածը եւ մենք արդյունավետ հավասար պայմաններում ինչ-որ քննիչն է, չկարողացանք հավասար պայմաններ ունենալ մեր առարկությունները ներկայացնելու համար:
Ամեն դեպքում ներկայացրեցինք մեր առարկությունները՝ հիմնավոր կասկածը, որ բացակայում է թաքնվելու, խոչընդոտելու վտանգը: Եթե մեր պաշտպանյալն այսօր առողջական լուրջ խնդիրներ ունի ի՞նչ ձեւով պետք է թաքնվի կամ խոչընդոտի: Այդ պատճառով մենք առարկեցինք ներկայացրեցինք մեր հիմքերը եւ գրավի միջնորդություն ներկայացրեցինք, սակայն մեր գրավի միջնորդությունը մերժվեց եւ քննիչի միջնորդությունը՝ 2 ամսով երկարացնել կալանքը, բավարարվեց»:
Փաստաբանները դատական նիստում հայտարարել են, որ դատարանի նման վերաբերմունքից պարզ է դարձել, որ ի սկզբանե նա պատրաստ է քաղաքական որոշում կայացնելու, եւ կայացրել է քաղաքական որոշում: Հովհաննես Հարությունյանը մասնակցել է դատական նիստին, սակայն որեւէ հայտարարություն չի արել:
Կարդացեք նաև
Ամի ՉԻՉԱԿՅԱՆ
