ՄԱԿ-ի մարդու իրավունքների կոմիտեն մտահոգություն է հայտնել է Ադրբեջանում հայերի նկատմամբ խտրականության դրսևորումների և ոտնձգությունների նկատմամբ: Այս մասին ասվում է ՄԱԿ-ի մարդու իրավունքների կոմիտեի՝ Ադրբեջանի վերաբերյալ զեկույցում:
«Կոմիտեն մտահոգված է հայ փոքրամասնության նկատմամբ ոտնձգություններով և խտրականությամբ, ինչպես նաև այդ անձանց կողմից իրենց ազգությունը նշելու հարցում դժվարություններով: Մեզ անհանգստացնում են այն հաղորդագրությունները, որ հայկական ազգանուններով օտարերկրացիների մուտքը Ադրբեջան, անկախ նրանց քաղաքացիությունից, արգելված է»,- ասվում է զեկույցում:
Կոմիտեն կոչ է անում Ադրբեջանի իշխանություններին ձեռնարկել բոլոր անհրաժեշտ միջոցները՝ նման դրսևորումները կանխելու և հայ փոքրամասնությանը ոտնձգություններից պաշտպանելու համար, ինչպես նաև առանց հիմնավորման չարգելել հայկական ազգանուններով քաղաքացիների մուտքը այդ երկիր:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
