ԵվրԱզԷՍ-ը պատրաստ է առարկայական բանակցություններ վարել Եվրամիության հետ՝ Լիսաբոնից մինչև Վլադիվոստոկ ձգվող միասնական տնտեսական տարածություն ձևավորելու ուղղությամբ: Ինչպես հաղորդում է «ՌԻԱ Նովոստին», այս մասին հայտարարել է Ռուսաստանի փոխարտգործնախարար Վասիլի Նեբենզյան:
«Զգալի ներուժ ունի ԵվրԱզԷՍ-ի և Եվրամիության շրջանակներում ինտեգրացիոն գործընթացի կազմակերպումը: Մենք վաղուց ենք կոչ անում համատեղ աշխատանքի՝ Լիսաբոնից մինչև Վլադիվոստոկ միասնական տնտեսական տարածություն ձևավորելու շուրջ, գաղափար, որը ժամանակին առաջ են քաշել Ռուսաստանի և Բելառուսի նախագահները»,- ասել է Նեբենզյան «Եվրասիական տնտեսական ինտեգրում» համաժողովին:
Փոխնախարարը նշել է, որ Ռուսաստանը պատրաստ է այդ և այլ հարցերի շուրջ ԵՄ-ի հետ առարկայական բանակցություններ վարել:
Պատրաստեց՝ Վիկտորյա ԱՆԴՐԵԱՍՅԱՆԸ
