«Սասնա ծուռ» Սմբատ Բարսեղյանի պաշտպան՝ փաստաբան Հայկ Ալումյանը չի մեկնաբանում իր պաշտպանյալի՝ «Սասնա ծուռ» Սմբատ Բարսեղյանի մեղադրանքի լրացումը, ըստ որի Քրեական օրենսգրքի մի շարք հոդվածներով առաջ քաշված մեղադրանքից բացի, Սմբատ Բարսեղյանը մեղադրվում է քրեական օրենսգրքի 104-րդ հոդվածի 2-րդ մասի 1-ին, 2-րդ, 3-րդ և 11-րդ կետերով (սպանություն):
Հիշեցնենք, որ մեղադրանքի լրացման մասին լուրն այսօր տարածել էր գլխավոր դատախազությունը. «Զենքի գործադրմամբ 2016 թվականի հուլիսի 17-ին ՀՀ ոստիկանության Երևան քաղաքի վարչության պարեկապահակետային ծառայության գնդի տարածք մուտք գործելու, նշված ստորաբաժանման վարչական շենքը, հարակից տարածքը զավթելու և պահելու դեպքի առթիվ հարուցված, ՀՀ հատուկ քննչական ծառայությունում քննվող քրեական գործի նախաքննության ընթացքում ձեռք բերված բավարար ապացույցների համակցության հիման վրա՝ մինչդատական վարույթն իրականացնող մարմնի 2016 թվականի նոյեմբերի 10-ի որոշմամբ Սմբատ Բարսեղյանին առաջադրված մեղադրանքը լրացվել է»:
Հայկ Ալումյանից Aravot.am-ը հետաքրքրվեց, թե բավարար ապացույցներ տեսնո՞ւմ է իր պաշտպանյալի մեղադրանքի լրացման հիմքում, փաստաբանն ասաց՝ հիմա չեմ ուզում մեկնաբանել: Նա Սմբատ Բարսեղյանի լրացված մեղադրանքի վերաբերյալ որեւէ այլ հարցի չցանկացավ պատասխանել:
Ըստ երեւույթին, Սմբատ Բարսեղյանը մեղադրվում է ոստիկան Յուրի Տեփանոսյանի սպանության մեջ: Հիշեցնենք, որ Տեփանոսյանը սպանվել էր ՊՊԾ գնդի մերձակայքում, դիպուկահարի կրակոցից, հենց ավտոմեքենայի մեջ:
Կարդացեք նաև
Արփինե ՍԻՄՈՆՅԱՆ
իսկ երկու շաբաթ առաջ, այս «փաստաբանը» ասում էր թէ
«որեւէ նախադրյալ չի տեսնում այդպիսի մեղադրանք առաջադրելու»։
https://www.aravot.am/2016/10/27/820685/
«որեւէ» նախադրյալ չէր տեսնում…
իրոք սքանչելի են Հայաստանի փաստաբանները…
անվճար – սակայն անգին – խորհուրդ մեղադրյալին եւ իր «փաստաբանին»՝
պաշտպանությունը պէտք է լինի հետեւյալը՝
այո, կրակեց դէպի կանգնած մեքենան, սակայն չգիտեր որ ներսում ոստիկան կա.
կամ ել, գիտեր, սակայն միտումը ոստիկանը սպանել չէր բնաւ, այլ միայն մեքենային խփել, որպէս ազդարարություն – քանզի նոյն պահին աւարտում էր իրավապահ մարմիների ultimatum-ը, մեքենային ուղղված կրակոցի պատգամը այն էր որ՝ չհամարձակվէք հարձակիլ, կը հակադարձենք