Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանում այսօր շարունակվեց անազատության մեջ գտնվող քաղաքացիական ակտիվիստ Գեւորգ Սաֆարյանի բողոքի քննությունը: Գեւորգ Սաֆարյանի բողոքը վերաբերում է 2016 թվականի հունվարի 1-ին ՀՀ Ոստիկանության Երևանի Հատուկ ջոկատի չորրորդ վաշտի հրամանատար Գեղամ Խաչատրյանի կողմից ծեծի ենթարկվելուն, Սաֆարյանի բողոքին են միացել նաեւ այլ քաղաքացիներ, որոնք պնդում են, որ նույն օրը ոստիկաններն իրենց էլ են ծեծի ենթարկել:
Այսօր դատաքննության վերջին օրն էր, նիստը կարճ տեւեց: Սաֆարյանի պաշտպան` փաստաբան Տիգրան Հայրապետյանը դատարանին եւս մեկ անգամ հիշեցրեց, որ նախաքննության ընթացքում քննիչը ամենակարեւոր քննչական գործողությունը չի կատարել, այն է` Գեւորգ Սաֆարյանին ու Գեղամ Խաչատրյանին չի հրավիրել առերեսման, բացի դրանից իր պաշտպանյալին չի ծանոթացրել գործի նյութերին, չի ասել` երբ է ավարտվում նախաքննությունը, եւ Գեւորգ Սաֆարյանը չի հասցրել անհրաժեշտ ապացույցները ներկայացնել վարույթ իրականացնող մարմնին. «Ձեւական նախաքննություն է անցկացվել, գործի քննության պատրանք ստեղծելու փորձ է արվել»:
Գեւորգ Սաֆարյանն էլ դատարանում հայտարարեց, որ քաղաքացիների կողմից ոստիկաններին հարվածներ չեն եղել, բայց ոստիկանների հարվածները քաղաքացիներին քննիչը համարել է որպես ինքնապաշտպանություն. «Եթե քաղաքացիները չեն հարվածել ոստիկաններին, այդ դեպքում ումից էին պաշտպանվում ոստիկանները»:
Կարդացեք նաև
Դատական հաջորդ նիստը նշանակվեց հունվարի 20-ին:
Արփինե ՍԻՄՈՆՅԱՆ
երեւի հառաջիկա Կաղանդին այս տղաները նորէն տօնածառ չեն տնկելու Հրապարակում…
արդէն Կաղանդ Պապուկն ալ անտրամադրելի է, նա ել նստել է…
https://www.youtube.com/watch?v=tDzkmRf0OOc
..