«Հասարակություն առանց բռնության» հ/կ-ն այսօր կազմակերպել էր քննարկում՝ նվիրված «Ընդդեմ գենդերային բռնության 2011-2015 թ.-ի ռազմավարական ծրագրի» արդյունքներին: «Հասարակություն առանց բռնության» հ/կ գործադիր տնօրեն Լիդա Մինասյանը լրագրողներին տեղեկացրեց, որ 2011-15թթ. գենդերային կրթության բաղադրիչը ներառվել է ուսումնական պլանում. «Որոշակի արդյունքներ ենք արձանագրել. մշակել ենք գենդերային բռնության մոդուլը, որը կիրառվում է Կրթության ազգային ինստիտուտի մասնագետների կողմից: Հրապարակել ենք «Կին, թե տղամարդ. տարբե՞ր, թե հավասար» գործնական ուղեցույցը՝ նախատեսված դպրոցներում որպես օժանդակ նյութ: Ձեռնարկը հաստատվել է ԿԳՆ-ի կողմից եւ ներկայացնում է կանանց իրավունքները, գենդերային հավասարության դրույթները»:
Լիդա Մինասյանը նկատեց՝ դասագրքերում շատ են պատկերները, որոնցում կինը ճաշ է պատրաստում, իսկ տղամարդը բացմոցին նստած է. «Շատ երկրներում նման պատկերներն արդեն փոխարինված են, կան նկարներ, որոնցում տղամարդն է տնային գործերն անում: Կարծրատիպը պետք է կոտրել վաղ տարիքից»:
Լիդա Մինասյանը նաեւ նշեց, որ գենդերային հավասարությունը ենթադրում է կանանց եւ տղամարդկանց իրավահավասարություն:
Կարդացեք նաև
Մանրամասն ՝ տեսանյութում
Լուիզա ՍՈՒՔԻԱՍՅԱՆ
