Լիբանանյան «Ալ-Մուսթակբալ» պարբերականը տեղեկություն է հրապարակել, որի համաձայն, ըստ «վստահելի աղբյուրների» Սիրիայի նախագահ Բաշար ալ-Ասադը գլխուղեղի կաթված է ստացել և այժմ գտնվում է հիվանդանոցում, գրում է Independent-ը:
Նույնպիսի տեղեկություն հրապարակել է նաև լիբանանյան մեկ այլ թերթ՝ «Ալ-Դիյարը», որը, ի դեպ պաշտպանում է Ասադի վարչակարգին:
Այսօր Սիրիայի կառավարությունը պաշտոնապես հերքել է այդ տեղեկությունները:
Facebook-ում հրապարակված հայտարարության մեջ նշվում է, որ Ասադը «գերազանց առողջություն ունի և միանգամայն բնականոն կերպով կատարում է իր գործառույթները»: Հայտարարության մեջ նաև նշվում է, որ «սիրիացի ժողովուրդը իմունիտետ ունի նման ստերի նկատմամբ», և որ նման բամբասանքները միայն ծիծաղի տեղիք են տալիս:
Կարդացեք նաև
Ավելի վաղ Սաուդյան Արաբիայի կողմից ֆինանսավորվող «Ալ-շարկ ալ-աուսատ» թերթը գրել էր, որ Սիրիայի նախագահը հոգեկան խնդիրներ ունի շուրջ 6 տարի երկրում շարունակվող պատերազմի պատճառով:
Պատրաստեց՝ Վիկտորյա ԱՆԴՐԵԱՍՅԱՆԸ
