Այսօր ԲՀԿ խմբակցության Արագած Ախոյանը հայտարարեց, որ առաջիկա խորհրդարանական ընտրություններին առաջադրվելու է Արագածոտնի մարզում՝ ՀՀԿ-ի ռեյտինգային ցուցակով:
Նա ասաց, որ պետք է կարողանան այնպես անել, որ արժանապատիվ պայքարի մեջ մտնեն մրցակիցների հետ. «Ոչ ոք չի կարող ասել՝ կընտրվի, թե չի ընտրվի, կարեւորը՝ արժանապատիվ դուրս գալ այս ամեն ինչից»:
Հարցին՝ կուսակցական դառնալո՞ւ եք՝ Արագած Ախոյանը պատասխանեց. «Առայժմ ոչ»:
Նա ասաց, որ իրեն եղել է առաջարկ, նաեւ իր ցանկությունն է եղել առաջադրվելու: Ըստ նրա, այն գործառույթները, որ հիմա ինքն իրականացնում է, առանց իշխանությունների հետ համագործակցելու, առանց նրանց կոորդինացնելու անհնար է իրականացնել: Չի կարող լինել մեկ այլ դաշտում ու զբաղվել Թուրքիայի հարցով՝ առանց իշխանությունների հետ:
Կարդացեք նաև
Հռիփսիմե ՋԵԲԵՋՅԱՆ
