Կենսաքիմիկոսները ենթադրում են, որ 1 վայրկյանում առողջ լյարդում տեղի են ունենում մոտ 400 տրիլիոն ռեակցիաներ, իսկ մասնավորապես ճարպակալած լյարդը իրականացնում է դրանց միայն 10 տոկոսը: Լյարդից ճարպը լուծվում, հեռանում է խոլինի (B խմբի վիտամիններ) առկայությամբ: Մասնագետները բազմիցս հայտարարում են, որ պետք է հրաժարվել սպիտակ հացից, մակարոնեղենից, որոնք հանգեցնում են լյարդի ճարպակալման, փոխարենը՝ շատ օգտագործել թարմ միրգ եւ բանջարեղեն:
Մասնագետները ընդգծել են նաեւ, որ յուրաքանչյուր տեսակի ֆիզիկական ակտիվություն ոչ միայն ամրացնում է մկաններն ու ոսկորները, այլեւ սննդարար նյութեր է լցնում արյան մեջ, որոնք էլ արագ հասնում են բջիջներին: Այնպես որ, առանց ֆիզիկական ակտիվության ամենալավ սննդակարգն անգամ երկրորդական է դառնում:
Մեր օրգանիզմում անընդհատ տեղի են ունենում քայքայման ու վերակառուցման գործընթացներ: Մեռնում են որոշ բջիջներ, հյուսվածքներ, նրանց տեղում առաջանում նորերը: Այդ ամենի համար «շինանյութ» է անհրաժեշտ՝ հանքային աղեր, վիտամիններ եւ այլ նյութեր, որոնք մարդը պետք է ստանա սննդի հետ:
Պատրաստեց ԱՆՈՒՇ ՄԱԹԵՎՈՍՅԱՆԸ
Կարդացեք նաև
«Առավոտ»
04,02.2017
