Սեյրան Օհանյան- Օսկանյան- Րաֆֆի Հովհաննիսյան Դաշինքի՝ այսօր տարածած համաձայնագրի տեքստը ԱԻՄ առաջնորդ Պարույր Հայրիկյանը համարում է հիվանդ մարդկանց հայտարարություն:
«Որ ավելի խիստ բառ չասեմ, հիվանդ մարդկանց հայտարարություն է, ինչպես կարող ես անուններ դնել, դաշինքի անունը լինի մարդկային անուններ, դրանից հետո ակնկալել, որ որեւէ լուրջ քաղաքական ուժ կմիանա այդ դաշինքին: Ի՞նչ բաց լինելուց ես խոսում, այդ ո՞ւմ ես հրավիրում միանալ դաշինքին, երբ ձեւավորելու ընթացքում այնպես ես արել՝ այդ դաշինքի հիմնական դաշնակիցները դուրս գան: Երկու ուժերին ստիպում ես դուրս գալ քո աթոռապաշտական նկրտումների պատճառով, հետո ասում ես՝ բաց է, եկեք միացեք: Իրեն հարգող որեւէ քաղաքական ուժ կարո՞ղ է միանալ մարդկանց անուններով դաշինքին, դրա համար հանգիստ խղճով, որ ավելի վատ բառ չասեմ, ասում եմ՝ իրենք հիվանդ են: Այդ հիվանդությունը միասնական ուժերով կամ պետք է կարողանան բուժել, հետո նոր խոսել դաշինքի մասին կամ էլ հերթական ձախողվող բանն արեցին, որովհետեւ այդ որակի սկիզբը չի կարող առողջ զարգացում տալ»,- Aravot.am-ին ասաց Պարույր Հայրիկյանը:
Նա չհստակեցրեց՝ արդյոք ԱԻՄ-ը իր ունեցած դժգոհություններով ի վերջո դուրս է եկել դաշինքից, թե՞՝ոչ. «Հրապարակավ խոսել ենք, մինչեւ սա փորձել ենք զգաստացնելու փորձ անել ու ամենավերջին բանն այն է եղել, որ եթե դաշինքը կա, այն պետք է ունենա որոշակի հայտանիշներ՝ անուն, հստակեցված կազմ, աշխատակարգ, հիմնական նպատակներ; Մոտավորապես քսան օր գործող դաշինքը պետք է ինչ-որ բան աներ: Հիմա եղածը քանդելու ճանապարհով ինչ-որ մի նոր բան ստեղծել, քան միչ այդ եղածը, իհարկե, ճանապարհ չէ…Մենք դուրս չեկանք, բայց մեր երեկվա մեր գրավոր ներկայացրածն այնպիսին էր, որ իրենք պետք է դուրս գային, մնացել էր միայն Օսկանյանը»:
Մեր հարցին՝ ի վերջո, ԱԻՄ-ը դո՞ւրս եկավ Դաշինքից, պարոն Հայրիկյանը պատասխանեց. «ԱԻՄ-ը ոչ թե դուրս է գալիս, այլ, երբ իմացավ, որ նման առաջարկ կա, կոչ արեց, որ իրենց կարգին պահեն, խելքները գլուխները հավաքեն, երեկվա մեր հայտարարությունը շատ գեղեցիկ հայտարարություն էր, որին զուգահեռ ԱԻՄ-ականները, որոնք վարկանիշային ցուցակով առաջադրվել էին, բոլորը հետ վերցրին, ասացին՝ մենք ժողովրդավարական գաղափարի նպատակով համախմբված ուժերին կարող ենք միանալ, բայց Օհանյան-Օսկանյան-Րաֆֆի դաշինքին, որը նախնադարյան, ասիական վատ տեսակի նախաձեռնություն է` ոչ : Թե չէ ԱԻՄ-ը չի հեռացել, ասել է՝ չեք ուզում` դուք հեռացեք, իրենք էլ հեռացան, ստեղծեցին այն, ինչ-որ ստեղծեցին»:
Կարդացեք նաև
Արփինե ՍԻՄՈՆՅԱՆ
1. Ճանաչման՝ բարձր գնահատության արժանի անուններ ունեն, անուններով են կոչում:
2. Պարույր Հայրիկյանը նախնադարում եղե՞լ է:
3. Պարո’ն Հայրիկյան, Ձեզ ինչո՞ւ չընդունեցին դաշինք: Մտատանջվո՞ւմ եք: