Արցախում վաղը նախատեսված սահմանադրական հանրաքվեի կենտրոնական հանձնաժողովի նախագահից լրագրողները հետաքրքրվեցին, թե նախորդ ընտրությունների ժամանակ ինչ բողոքներ են եղել, եւ ինչ է արվել դրանք շտկելու համար:
Սրբուհի Արզումանյանը պատասխանեց. «Մենք պաշտոնական բողոքներ չենք ունեցել նախորդ ընտրությունների ժամանակ, բացառությամբ Ստեփանակերտի մեկ ընտրատարածքում վերահաշվարկի պահանջի: Որոշակի թերություններ էին արձանագրվել, որոնք վերահաշվարկի ժամանակ չեն հաստատվել, արդյունքում անփոփոխ են մնացել տվյալները: Առհասարակ բողոքները վերաբերվում են քարոզարշավի ընթացքին, հանրաքվեի պարագայում օրակարգային հարց չի դիտվում եւ հավասարապես հնարավորություն կա»:
Հիշեցնենք՝ փետրվարի 20-ին Արցախում տեղի կունենա սահմանադրական փոփոխությունների հանրաքվեն:
Ամի ՉԻՉԱԿՅԱՆ
Կարդացեք նաև
