Այսօր Խնկո-Ապոր անվան մանկական ազգային գրադարանում գերիշխում էր չինական մթնոլորտ. տեղի էր ունենալու «Չինական առակներ. նկարում են հայ երեխաները» ցուցահանդեսի բացումը: Ցուցահանդեսը կազմակերպել էր Գեղագիտության ազգային կենտրոնը՝ Չինաստանի դեսպանատան եւ այլ աջակիցների հետ:
Բացման ժամանակ խոսեց կենտրոնի տնօրեն Լեւոն Իգիթյանը. «Ես միշտ բարձրաձայնել եմ, որ Գեղագիտության ազգային կենտրոնում առաջին դերակատարները երեխաներն են, երկրորդը՝ դասախոսները: Այսօր հաճույքով ներկայացնում եմ մեր ֆանտաստիկ Սոնա Վանոյանի կատարած աշխատանքը»:
Տնօրենը խոսեց նաեւ երեխաների տաղանդի մասին. «Ասեմ, որ որեւէ այլ երկիր ընդունակ չէ սրան, իսկ պատճառը մեր երեխաների տաղանդավոր լինելն է. դա խնդիր է մեզ համար, որովհետեւ այդ տաղանդավոր երեխաներին պետք է տիրություն անել»:
Ցուցահանդեսի ընթացքում ոչ միայն ներկայացվեցին չինական առակներ՝ նկարազարդումներով եւ բացատրական գրվածքներով, այլեւ կազմակերպվեց թեյախմություն՝ չինական մոտիվներով:
Կարդացեք նաև
Գայանե ԻՍՐԱՅԵԼՅԱՆ