Ռուսաստանի Կրասնոդար երկրամասի Արմավիր քաղաքում սպանվել են Հայաստանի երկու քաղաքացիներ: Ինչպես հաղորդում է DNI24 կայքը, տղամարդկանց հրազենային վնասվածքով աճյունները հայտնաբերվել են մարտի 7-ին տեղի բնակելի շենքերից մեկի վերելակում:
Տեղեկատվության համաձայն՝ տղամարդիկ զբաղվել են Մոսկվայից Կուբան ապրանքների մեծածախ մատակարարումներով: Զոհերից մեկին լավ ճանաչող մարդկանց հարցաքննության ժամանակ պարզվել է, որ գործարարները խոշոր գումար էին ստացել և պատրաստվում էին մեկնել ապրանքի նոր խմբաքանակի հետևից:
Մահացած տղամարդկանց անունները չեն նշվում: Հայտնի է միայն, որ նրանցից մեկը 1966թ. ծնունդ է եղել և բնակվել է այդ նույն շենքում: Մյուս տղամարդն ավելի երիտասարդ է եղել:
Սպանության հետ կապված քրեական գործ է հարուցվել, տարվում է հետաքննություն:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
