«Բերեք արդիականացնենք մեր սահմանները ոչ թե կանսերվի բանկեքով, այլ ժամանակակից սարքավորումներով»,- այսօր Վայոց Ձորի մարզի բնակիչների հետ հանդիպման ժամանակ առաջարկեց «Հայկական վերածնունդ» կուսակցության նախագահ Արթուր Բաղդասարյանը:
Նա մեկ առ մեկ ներկայացրեց իրենց նախընտրական խոստումները՝ ավանդների վերադարձ, պրոֆեսիոնալ բանակ, հետո առաջարկեց ընտրությանը լուրջ վերաբերել. «Եկեք այնպես անենք, որ ապրիլի երեքին նորից չասենք՝ այս երկիրը երկիր չէ, գիտակցենք մեր պատասխանատվությունը, շատ հաճախ մարդիկ ասում են՝ մեզնից ինչ է կախված որ, ինչ ուզում, անում են: Լավ, եթե ձեզնից ոչինչ կախված չէ, ինչու են ձեր տները մտնում, մարդկանց ցուցակագրում, ինչու են խնդրում, պարտադրում, որ գնաք ու քվեարկեք այս կամ այն մարդու օգտին: Ձեր քվեն մեր ուժն է, այս մթնոլորտը վերափոխման անհրաժեշտություն ունի»:
Պարոն Բաղդասարյանը նաեւ ընդգծեց, որ Հայաստանի պետական սահմանների հզորացման անհրաժեշտություն կա. «Վատ բա՞ն եմ ասում, պետք է արդիականացնենք Հայաստանի պետական սահմանները, մենք ասում ենք՝ ոնց է, որ սաղ Հայաստանը հնարավոր է տեսախցիկներով պատել, էդ 300 կիլոմետրը հնարավոր չէ»:
Պատգամավորի թեկնածու Արմեն Հարությունյանն էլ ընտրություններին տեր կանգնելու կոչ արեց. «Մարդիկ ինչ են առաջարկում՝ սարքել խաղահրապարակ կամ չգիտեմ ինչ-որ բան, երբ խոսեցնես համայնքի բնակչին, ինքը ուզում է իր թոռանը, որը արտագնա աշխատանքի մեջ է: Բոլորիս հաղթանակ, դեպի վերածնված Հայաստան»:
Կարդացեք նաև
Արփինե ՍԻՄՈՆՅԱՆ
