Կենտրոն և Նորք-Մարաշ վարչական շրջանների ընդհանուր իրավասության դատարանում այսօր ի պաշտպանություն «Սասնա ծռեր» խմբի անդամ Արայիկ Խանդոյանի եղբոր` Արարատ Խանդոյանի, դատարան էր եկել կալանավայրից այսօր ազատ արձակված ազատամարտիկ Վոլոդյա Ավետիսյանը: Նրան նիստին ներկաները դիմավորեցին ծափահարություններով, ինչի համար դատարանը ընդմիջում հայտարարեց: Իսկ Խանդոյանը նիստին ներկայացել էր «ես քաղբանտարկյալ եմ գրությամբ պաստառով»:
Մեղադրող դատախազ Հայկ Պետրոսյանը ներկայացրեց մեղադրական ճառը՝ միջնորդելով Խորենացիի դեպքերով կալանավորված Խանդոյանին դատապարտել 4 տարվա ազատազրկման, իսկ որպես հիմնավորում՝ հղում տվեց դեպքի տեսագրությանը. «0, 32 վայրկյանից դեպի իրեն է քաշում ոստիկանի վահանը, 0, 38 վայրկյանից՝ ձեռքով հարվածում է դեպի ոստիկանը, 0,44 վայրկյանին ոտքով է հարվածում ոստիկանի վահանին, 0,52 վայրկյանին՝ քաշքշում ու փորձում է խլել ոստիկանի վահանը»:
Հայկ Պետրոսյանը նաեւ արձանագրեց, որ Խանդոյանը ոչ միայն չի ընդունել իրեն առաջադրված մեղադրանքը, այլեւ չի զղջացել կատարվածի համար ու տվել է խուսափողական ցուցմունքներ:
Դատական նիստն այսօր հետաձգվեց, հաջորդ նիստին, որը տեղի կունենա հունիսի տասնչորսին, պաշտպանական կողմը կներկայացնի պաշտպանական ճառը:
Արփինե ՍԻՄՈՆՅԱՆ
այ քեզ բա՜ն…
ծո լռէիր,
ըրածդ ընելէ ետք,
տեղդ նստէիր, լուռ ու մունջ, բարի, բարի՜՜՜՜՜՜
աւելի արագ դուրս կը հանէին,
տունդ կ’երթայիր, ընտանիքիդ մօտ
եւ վերջ
վսյո՛
չ’արժեր, ակաս
չ’արժե՜՜՜՜ր
այսքան երկար, այսքան ԱՆԻՄԱՍՏ կերպով՝ ՆՍՏԻԼ
դուն քեզ եւ հարազատներդ պատժել
ի զուր
ա՜խ ախ ախ ախ
գլուխ չկա
բառին արժանի՝ գլուխ
չկայ
(այսինքն՝ գոնէ տարրականօրէն լեցուն գլուխ
մէջը՝ մի բան
մի քիչ ուղեղ)