«Իրավունքի կողմ» իրավապաշտպան հասարակական կազմակերպության կողմից ոստիկանություն է ներկայացվել հաղորդում այն մասին, որ 2017թ․-ի հուլիսի 4-ին ժամը 20:00-ի սահմաններում «Իրավունքի կողմ» ՀԿ-ի մի խումբ շահառուներ ենթարկվել են հարձակման` պայմանավորված ՀԿ-ի տարածք այցելելու հանգամանքով:
Մասնավորապես, նախնական տեղեկության համաձայն, հարձակում գործողը եղել է կազմակերպության գրասենյակի հարևանությամբ բնակվող անձ, ով ագրեսիվ տոնով փորձել է իմանալ, թե ինչ նպատակով են շահառուները այցելում այդ տարածք: Վիճաբանությունը զուգորդվել է նշյալ անձի կողմից շահառուներից մեկի նկատմամբ ֆիզիկական բռնության գործադրմամբ: Քիչ անց իրավախախտին է միացել նաև իր կինը և հնչեցրել սպառնալիքներ ու ատելության կոչեր` «Իրավունքի կողմ» ՀԿ-ի նախագահ Լիլիթ Մարտիրոսյանի հասցեին:
Երբ Լիլիթ Մարտիրոսյանը փորձել է սթափեցնել իրավախախտներին՝ նախազգուշացնելով, որ կդիմի իրավապահ մարմիններին, իրավախախտի կինը հայտարարել է, թե աշխատում է քաղաքապետարանում և ոչնչից չի վախենում:
Մենք` քաղաքացիական հասարակության ներքոստորագրյալ ներկայացուցիչներս, պահանջում ենք՝
- իրավապահ մարմիններից իրականացնել դեպքի պատշաճ, անկողմնակալ քննություն և իրավախախտներին ենթարկել պատասխանատվության:
- պետական ու տեղական ինքնակառավարման բոլոր մարմիններից լինել անաչառ, արդար՝ պահպանելով օրենքի պահանջները, ինչպես նաև՝ հետևողական, որ նման միջադեպերի մեղավոր անձիք չխուսափեն պատասխանատվությունից:
- «Նոր Սերունդ» Մարդասիրական ՀԿ
- «Իրավունքի կողմ» իրավապաշտպան ՀԿ
- «Իրական աշխարհ, իրական մարդիկ» ՀԿ
- Հելսինկյան քաղաքացիական ասամբլեայի Վանաձորի գրասենյակ ՀԿ
- Գլոբալիզացիայի և տարածաշրջանային համագործակցության վերլուծական կենտրոն ՀԿ
- Տղամարդկանց առողջության Եվրասիական կոալիցիա (ECOM)
- Գյումրու Պրոգրես քաղաքացիական հասարակության զարգացման կենտրոն ՀԿ
- «Իրավունքների պաշտպանություն առանց սահմանների» ՀԿ
- «Հանրային տեղեկատվություն և գիտելիքի կարիք» ՀԿ
- «Կանանց ռեսուրս կենտրոն» ՀԿ
- «Խաղաղության երկխոսություն» ՀԿ
- Լրագրողներ Հանուն Մարդու Իրավունքների ՀԿ
- «Ագաթ» ՀԿ
- «Սոսե» կանանց հիմնահարցեր» ՀԿ
