Շախմատի աշխարհի 13-րդ չեմպիոն Գարի Կասպարովի հայտարարությունը, թե վերսկսում է շախմատիստի կարիերան եւ մասնակցելու է Սենթ Լուիսում օգոստոսին կայանալիք «Grand Chess Tour»-ի հիմնական մրցաշարին հաջորդելիք արագ եւ կայծակնային շախմատի մրցաշարերին, ամենաքննարկվող թեման է դարձել մամուլում եւ համացանցում:
Սակայն ՖԻԴԵ-ի նախագահ Կիրսան Իլյումժինովը ի պատասխան հայտարարել է, թե դա լինելու բան չէ:
«Տեւական դադարից հետո մեծ շախմատ վերադառնալու՝ Գարի Կասպարովի արած հայտարարությունը լավ որոշում է: Սակայն ՖԻԴԵ-ի էթիկայի հանձնաժողովի 2015 թվականի հոկտեմբերին կայացրած որոշումով՝ գրոսմայստերը երկու տարով հեռացվել է շախմատից եւ շախմատային գործունեությունից: Այնպես որ, Կասպարովը մինչեւ 2017 թվականի հոկտեմբեր ամիսը իրավունք չունի մասնակցել ՖԻԴԵ-ի հովանու ներքո անցկացվող մրցումներին», – Р-Спорт-ին հայտարարել է ՖԻԴԵ-ի նախագահը:
Աշոտ ՀԱԿՈԲՅԱՆ
Լուսանկարը՝ eadaily.com