Բոլոր ժամանակների լավագույն հայ ֆուտբոլիստ Հենրիխ Մխիթարյանը, որն այս օրերին Երեւանում է, իր հարազատ «Փյունիկ» ֆուտբոլի ակադեմիայի սաների հետ հանդիպմանը ապագա ֆուտբոլիստներին խորհուրդ տվեց նախ եւ առաջ կրթվել ու լավ մարդ լինել, ինչպես ժամանակին իրեն խորհուրդ է տվել իր հայրը՝ լեգենդար ֆուտբոլիստ Համլետ Մխիթարյանը։
«Քրտնաջան աշխատեք, հավատացեք, նպատակ դրեք ձեր առջեւ, որովհետեւ առանց նպատակների չեք կարող ինչ-որ հաջողության հասնել։ Երբեք մի բողոքեք, մի ասեք, թե սա է մեղավոր, նա է մեղավոր։ Մեղավորին ինքներդ ձեր մեջ գտեք, որովհետեւ եթե կա խնդիր, կա նաեւ լուծում։ Աշխատեք ձեր վրա եւ հասեք հաջողությունների»,-ասաց Հայաստանի ազգային հավաքականի նախկին ավագը եւ Միլանի «Ինտերի» կազմում Իտալիայի չեմպիոնը։
Աշոտ ՀԱԿՈԲՅԱՆ
