Մոլդովայի մայրաքաղաք Քիշնեւում ճիշտ նույն վիճակն է, ինչ Երեւանում: Գեղեցիկ, կոլորիտային շենքերը այստեղ էլ են փոխարինվել բազմահարկ նորակառույցներով ու էլիտար հաստատություններով: Բնակիչներն ասում են, որ հին շենքերը նախ թողնում են խարխլվի, ապա անպիտան համարելով` ջրի գնով «վաճառում» են: Նոր սեփականատերերը, բնականաբար, դրանք քանդում են: Ի տարբերություն Երեւանի՝ Քիշնեւում քաղաքային զբոսայգիների մեջ, սակայն, սրճարաններ ու ռեստորաններ չեն «բուսնել», դրանք մաքուր են, չես գտնի ծխախոտի մնացորդ կամ աղբի նշույլ: Տեղացիները կատակում են` ծառ տնկելն ավելի էժան է, քան ինչ-որ բան կառուցելը, դրա համար էլ Քիշնեւում շատ է կանաչը: Ինչպես ամենուր, Քիշնեւում երիտասարդները սիրում են այգիներում անցկացնել: Ճիշտ է, նրանք չեն ծխում, բայց փոխարենը գարեջրի շշեր կան նրանց ձեռքերում:
Քիշնեւի հայ համայնքի մասին կարդացեք
Լուսանկարը՝ ԳՈՀԱՐ ՀԱԿՈԲՅԱՆԻ
«Առավոտ»
25.07.2017
