ՀՀ վարչական դատարանում այսօր «Ամուլսարի գործով» հերթական դատական նիստն էր: Հիշեցնենք, որ Վայոց ձորի մարզի Գնդեվազ համայնքի 12 բնակիչներ արդեն մեկ տարուց ավելի՝ հայցով դիմել են դատարան եւ պահանջում են չեղարկել Ամուլսարի ոսկու հանքավայրի շահագործումը թույլատրող փաստաթղթերը:
Այս նիստում միջնորդություն է արվել դատարանի կողմից որպես ապացույց ճանաչել միջազգային փորձագետների եզրակացությունը՝ Ամուլսարի հանքի շահագործման ծրագրի առնչությամբ: «Փորձագիտական եզրակացությունը վերաբերում է թթվային դրենաժին:
Միջազգային փորձագետներն ուսումնասիրել են Ամուլսարի շահագործման ծրագիրը եւ արձանագրել մի շարք թերություններ, որոնք վերաբերում են հանքի շահագործման հետեւանքով առաջացող թթվային ջրերի դրենաժին: Այդ խնդիրը ներառված չէ պետության կողմից տրամադրված փորձագիտական եզրակացության մեջ, մինչդեռ այն բացառում է հանքի շահագործումը»,-Aravot.am-ի հետ զրույցում ասաց «Էկոլոգիական իրավունք» հ/կ ներկայացուցիչ, բնապահպան, իրավաբան Արթուր Գրիգորյանը:
Նա տեղեկացրեց՝ հայցվոր կողմին ժամանակ է տրվել, որպեսզի միջազգային փորձագիտական եզրակացությունը թարգմանեն եւ ներկայացնեն դատարանին:
Լուիզա ՍՈՒՔԻԱՍՅԱՆ
Լոռու մարզում է գտնվում մի փոքր ոսկու հանք, որի շահագործումը դադարեցված է մոտ 100 տարի առաջ: Բնապահպանների կողմից կատարվել են հողի եւ ջրի նմուշառումներ, որոնք հետազոտվել են ԳԱ – ի լաբորատորիայում: Այդ արդյունքների հիման վրա կարելի է եզրակացնել թե ինչ ծանրագույն հետեւանքներ են սպասվում Ամուլսարի հանքի շահագործումից: Սակայն բնապահպանության նախարարությունը չի արձագանքել այդ կարեւոր տվյալներին:
Կաէծում էմ այս տեղեկությունը եւս ճիշտ կլինի ներկայացնել դատարան:
https://ecolur.org/hy/news/mining/water-samples-taken-from-tandzut-derelict-mine-area-and-adjacent-area-exceed-concentrations-of-heavy-metals-multiple-times/9585/