«Ժառանգություն» կուսակցության փոխնախագահ Արմեն Մարտիրոսյանի կարծիքով, եթե ՀՀԿ նախագահի թեկնածու Արմեն Սարգսյանի մտածած երկխոսությունը պետք է լինի ուղղակի երկխոսության համար, դա կլինի ժամավաճառություն:
«Բայց, եթե երկխոսությանը հետեւեն կոնկրետ քայլեր՝ սկսած Սահմանադրական իրական փոփոխություններից, ու մենք վերջապես ունենանք ժողովրդի կողմից ընդունված Սահմանադրություն, եթե այդ երկխոսությանը հետեւելու է արտահերթ նորմալ ընտրություններ՝ համաձայն նոր Սահմանադրության, եւ դրանից հետո լինելու են բարեփոխումներ՝ տնտեսական դաշտի ազատականացում, կուսակցությունների գործունեության երաշխիքներ, քաղաքական դաշտի ազատականացում, դրա արդյունքում լինելու է ներհայաստանյան համերաշխության մթնոլորտ, արդարադատություն, ապա, բնականաբար, այդ երկխոսությունը շատ արդյունավետ կլինի»,- ասաց Արմեն Մարտիրոսյանը:
Հիշեցնենք, որ այսօր Հայկական բարեգործական ընդհանուր միության գրասենյակում լրագրողների հետ զրույցում Արմեն Մարտիրոսյանն ասել է, որ «Մեր երկրում երկխոսության կարիք կա, բոլոր կառույցները, կուսակցությունները ԱԺ-ում, թե դրանից դուրս պետք է սկսեն երկխոսություն, հակառակ դեպքում հասարակությունը կմնա մասնատված»:
Արփինե ՍԻՄՈՆՅԱՆ
