Երեկ՝ հուլիսի 22-ին, ժամը 23.15-ից մինչեւ 23.40-ը ադրբեջանական զինուժը ընդհատումներով, «ԴՇԿ» գնդացիրներով կրակ է բացել Տավուշի մարզի սահմանամերձ Բարեկամավան գյուղի վրա:
Բարեկամավանի վարչական ղեկավար Ջոնիկ Միքայելյանն ասաց, որ վնաս գրեթե չկա, միայն մի առանձնատան տանիքի ծածկն է 2 գնդակ խոցել:
Ջ. Միքայելյանը հայտնեց, որ երեկ սահմանամերձ Բարեկամավանից 2 զինակոչիկ մեկնել են ժամկետային զինծառայություն, համագյուղացիները նրանց բարի ծառայություն են մաղթել:
Ոսկան ՍԱՐԳՍՅԱՆ
