Լրահոս
Օրվա լրահոսը

Նիկոլ Փաշինյանը Կարագանդայում տեղի ունեցած ծեծկռտուքի մասին

Հունվար 07,2019 21:21

Վարչապետի պաշտոնակատար Նիկոլ Փաշինյանը վստահեցնում է, որ Կարագանդայում հայերի ու ղազախների միջեւ տեղի ունեցած ծեծկռտուքը չի կարող ազգամիջյան որեւէ ենթատեքստ ունենալ:

«Որովհետեւ կոնֆլիկտ ունեցած երկու խմբերը ազգային առումով միատարր չեն եղել, մյուս խմբի՝ դանակահարողների մեջ, ազգությամբ նաեւ ղազախ քաղաքացի է եղել: Մեր լրատվամիջոցներին կոչ եմ անում ստուգել տեղեկատվությունը, որովհետեւ հասկանալի տեղերից կեղծ վարկածներ են շրջանառության մեջ դրվում, ստուգեն, հետո հրապարակեն»,- այսօր լրագրողների հետ զրույցում ասաց Նիկոլ Փաշինյանը:

Ընդդիմադիր ուժերից ով կլինի ԱԺ փոխնախագահ հարցին՝ Նիկոլ Փաշինյանը պատասխանեց, որ այդ հարցը չեն քննարկել, բայց սկզբունքն այն է, որ ժողովրդի կողմից ավելի շատ ձայներ ստացած խմբակցությունը պետք է ունենա փոխնախագահ:

Անդրադառնալով սահմանին ռուսական գազի գնի թանկացմանը՝ վարչապետի պաշտոնակատարն ասաց, որ շարունակելու են բանակցությունները, որ երկարաժամկետ լուծումների գան եւ ամեն ինչ անելու են՝ մեր երկրի շահերը պաշտպանելու համար:

Թե ինչ ժամկետներ նկատի ունի, երբ ասում է՝ տեսանելի ապագայում շարքային սպառողի վրա գազի թանկացումը չի ազդի, Նիկոլ Փաշինյանն ասաց՝ ժամկետներ դեռ չի կարող նշել:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2019
Երկ Երե Չոր Հնգ Ուրբ Շաբ Կիր
« Դեկ   Փետ »
 123456
78910111213
14151617181920
21222324252627
28293031