Այսօր Վերաքննիչ քրեական դատարանում Ռոբերտ Քոչարյանի խափանման միջոցի փոփոխության վերաբերյալ մեղադրող կողմի եւ տուժողների իրավահաջորդների ներկայացուցիչների վերաքննիչ բողոքների քննությունն էր, բողոքները լսելուց հետո տուժողների հարազատները ելույթ ունեցան:
Մարտի 1-ին զոհված Արմեն Ֆարմանյանի հայրը՝ Վաչագան Ֆարմանյանն իր ելույթում ասաց. «Ես երանի կտայի, որ որդուս խփեին սահմանին, ոչ թե Երեւանի կենտրոնում։ Ո՞վ է իրավունք տվել, իմ 33 տարեկան որդու կյանքը խլել, իրե՞նք էին կյանք տվել: Ո՞վ է պատասխան տալու 10 զոհերի համար, վերջը մեկը պետք է պատասխան տա՞: Այդ ժամանակ գլխավոր գերագույն հրամանատար էր Ռոբերտ Քոչարյանը, գոնե մի անգամ, ընենց ստից հայտարարություն աներ զոհերի ծնողների մասին: Բոլորս էլ ծնող ենք , չէ՞»:
Վաչագան Ֆարմանյանը միացավ եւ պնդեց դատարանում իր ներկայացուցիչ Սեդա Սաֆարյանի վերաքննիչ բողոքին՝ ՀՀ 2-րդ նախագահ Ռոբերդ Քոչարյանի խափանման միջոցի փոփոխությանը՝ կալանքի կիրառում։
Մարտի 1-ի զոհերից մեկի իրավահաջորդ Ջեմմա Վարդանյանը նույնպես միացավ բողոքին եւ ասաց. «Դավիթ Պետրոսյանը աշխատել է ոսկու շուկայում, կանչել են ցույցի տեղ, նրան խփել են, գնդակը հանել են 9 միլիմետրանոց: Դավիթ Պետրոսյանին հեռախոսով նկարել են՝ ով է խփել, հեռախոսը քննչականում անհայտացել է: Հիմա իմ ծերությունը դժոխք են սարքել»:
Կարդացեք նաև
Մանրամասները՝ տեսանյութում
Տուժողների հարազատների ելույթներից հետո դատավոր Արմեն Դանիելյանը նշելով այսօրվա գործի քննության ծանրաբեռնվածությունը՝ որոշեց նիստը հետաձգել եւ հաջորդ նիստի օր նշանակեց վաղը՝ հունիսի 20-ին, ժամը 14:00-ին:
Նելլի ԲԱԲԱՅԱՆ
