Լրահոս
Օրվա լրահոսը

«Կապանում այս պահին կառուցվում է օդանավակայան, որը դառնալու է Երրորդ հանրապետության փոքր ավիացիայի առաջնեկը». Սուրեն Պապիկյան

Հունիս 19,2019 20:02

ԱԺ պատգամավոր Ալեքսեյ Սանդիկովն այսօր ԱԺ-կառավարություն հարցուպատասխանի ժամանակ հարցրեց Ստեփանավանի օդանավակայանի ճակատագրից՝ պոտենցիալ ներդրողների ներկայացվե՞լ է ծրագիր, որով այդ մարից բնակչության արտագաղթը կկանխվեր:

Տարածքային կառավարման եւ զարգացման նախարար Սուրեն Պապիկյանն ասաց, որ ինքը ծնունդով Ստեփանավանից է, կարեւորում է այդ հարցը, ընդհանրապես փոքր ավիացիայի զարգացումը. «Կապանում այս պահին կառուցվում է օդանավակայան, որը դառնալու է Երրորդ հանրապետության փոքր ավիացիայի առաջնեկը»: Նա ասաց, որ դեմ չի կառավարությունը, եթե ներդրողներ լինեն, օրինակ, Ջերմուկը կարող է դառնալ փոքր ավիացիայի կարեւոր կենտրոն:

Սանդիկովը ցույց տվեց ներդրողի տեղը. «Գուցե ծնունդով Տաշիրից հայտնի գործարար Սամվել Կարապետյանի հետ միգուցե բանակցեք, որի վերջին ներդրումը Երեւանում 150 մլն դոլարով այգու կառուցումն էր, կարծում եմ, դրանից շատ ավելի համեստ միջոցներով կարելի է նաեւ Ստեփանավանի օդանավակայանը վերականգնել»:

Պապիկյանն արձագանքեց, որ խնդիր չի տեսնում, կարող են քննարկել:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2019
Երկ Երե Չոր Հնգ Ուրբ Շաբ Կիր
« Մայիս   Հուլ »
 12
3456789
10111213141516
17181920212223
24252627282930