«Վեթինգի» պատասխանատու մարմիններն են լինելու ՀՀ Բարձրագույն դատական խորհուրդը, կոռուպցիայի կանխարգելման մարմինը եւ դատավորների ընդհանուր ժողովը: Չափանիշների առնչությամբ տեղեկացնեմ, որ պետք է լինի հանրային քննարկում:
Բանավոր զրույցներում մեր գործընկերներին տեղյակ ենք պահել, որ չափանիշները մշակվում են»,-ԱԺ ամբիոնից այսօր հայտարարեց «Իմ քայլը» խմբակցության ղեկավար Լիլիթ Մակունցը՝ անդրադառնալով գործընկեր-խմբակցությունների քննադատությանը, թե իշխանությունը մինչ օրս չի ներկայացրել «վեթինգի» մասին տեսլականը:
«Կարծում եմ՝ կարճ ժամկետում կկազմակերպվի նաեւ այդ առնչությամբ համատեղ քննարկում: Ներկայացվելու է օրենսդրական նախաձեռնությունների փաթեթ, որի հեղինակը Արարատ Միրզոյանն է, ինչն արագացնելու է կոռուպցիայի կանխարգելման հանձնաժողովի ստեղծումը: Այնպես որ, գործընթացի մեկնարկը տրված է»,-նշեց նա:
Լուիզա ՍՈՒՔԻԱՍՅԱՆ
