Լրահոս
Օրվա լրահոսը

ԲՀԿ-ն չէր հանդիպել ԲԴԽ անդամի թեկնածուի հետ. ԱԺ նիստն ընդմիջվել էր

Հուլիս 01,2019 12:10 Share
Աջակցեք aravot.am-ին

ԱԺ այսօրվա արտահերթ նիստի օրակարգում է ՀՀ Բարձրագույն դատական խորհրդի անդամի թափուր պաշտոնում առաջադրված թեկնածուի ընտրության հարցը, սակայն նիստն ընդմիջվեց կարճ ժամանակով:

ԲՀԿ քարտուղար Արման Աբովյանը հայտարարեց. «ԲՀԿ-ում թեկնածուի հետ հանդիպում չի եղել, մեզ ժամանակ տվեք հանդիպման համար, որից հետո միայն գումարեք արտահերթ նիստ»:

Խորհրդարանի փոխխոսնակ Ալեն Սիմոնյանը նշեց, որ նիստը կընդմիջեն, որպեսզի ԲՀԿ-ն հանդիպի թեկնածուի հետ, ինչից հետո միայն պատգամավորները հարցեր կուղղեն թեկնածուին:

Հիշեցնենք, որ ըստ ԱԺ նախագահի հունիսի 28-ի հայտարարության՝ «Ազգային ժողովի կանոնակարգ» ՀՀ սահմանադրական օրենքի 144-րդ հոդվածի 2-րդ մասի համաձայն` Ազգային ժողովի «Իմ քայլը» խմբակցությունը Բարձրագույն դատական խորհրդի անդամի թեկնածու է առաջադրել Աննա Ռազմիկի Մարգարյանին:

Ավելի վաղ ԲԴԽ անդամներ էին ընտրվել «Իմ քայլի» առաջադրած թեկնածուներ Գրիգոր Բեքմեզյանը եւ Վիգեն Քոչարյանը:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է: