«Մարդկանց հուզում է այն, որ ԼԳԲՏ անձինք դպրոցներում քարոզելու հնարավորություն կունենան. հանրության մի մասը պահպանողական է: Մյուս կողմից, նման կոնվենցիաները ֆինանսավորվում են: Այդ կոնվենցիայի միակ օգուտը ԵՄ-ից սպասվող ֆինանսավորումն է»,-«Զարկերակ» մամուլի ակումբում լրագրողների հետ զրույցում այսօր անդրադառնալով Ստամբուլյան կոնվենցիայի (ՀՀ-ն ստորագրել է, բայց դեռ չի վավերացրել) շուրջ քննարկումներին, ասաց հոգեբան Սամվել Խուդոյանը:
«Ինչ վերաբերում է բռնությանը, այն պետք է բացառվի՝ թե կնոջ, թե երեխաների, թե տղամարդկանց նկատմամբ: Եկեք չառանձնացնենք: Ես տեսել եմ մայրերի, որոնք այնպես են ծեծում իրենց երեխաներին, որ ոչ մի հայր այդպես չի անի: Մարզերում ծեծը ռեժիմով ինչ-որ բան է ընտանիքում: Նման բաների դեմ ամբողջ հանրությունը պետք է պայքարի»,-համոզմունք հայտնեց հոգեբանը:
Նրա գնահատմամբ՝ շատ ծնողներ վայրագ ձեւով են վերաբերվում երեխաներին, եւ նրանց թվում է, թե դա ճիշտ է. «Կոնվենցիայի հետ կապված մտահոգություն կա, որ հանրության շրջանում բռնության պատրվակով ընտանիքներ կկազմաքանդվեն: Ուստի յուրահատուկ պետք է վերաբերվել հարցին: Շատ կանայք չեն բողոքում, որովհետեւ սիրում են իրենց տղամարդկանց, կամ չեն ուզում ֆինանսական աղբյուրից զրկվել: Ընտանիքը եւ փողոցը նույնը չեն: Ընտանիքում երբեմն բանը կարող է հասնել ֆիզիկական եւ հոգեբանական բռնության՝ քողարկված ձեւով, ուստի պետք է մշակվի մեխանիզմ՝ կոնֆլիկտային ընտանիքների հետ հոգեբանանական աշխատանք կատարելու համար»: Օգուտը միայն ԵՄ-ից սպասվելիք ֆինանսավորումն է:
Կարդացեք նաև
Ուղիղ։ Ստամբուլյան կոնվենցիայի մասին
Gepostet von Aravot am Samstag, 13. Juli 2019
Լուիզա ՍՈՒՔԻԱՍՅԱՆ
