Մամուլից ծանոթացա Ազգային պատկերասրահի Ալավերդու մասնաճյուղի հետ կապված խնդրին:
Դիմել եմ ԿԲ նախագահին խնդրանքով՝ ներկայացնելու իրավիճակի մանրամասն նկարագիրը, որից հետո կփորձեմ զբաղվել հարցի լուծմամբ:
Միևնույն ժամանակ, խնդրել եմ միջնորդել բանկին, զերծ մնալ պատկերասրահի տարածքից վտարման որևէ գործողություն իրականացնելուց՝ հարցը բոլոր շահագրգիռ կողմերի հետ ամբողջական քննարկելու և արդյունավետ լուծում տալու նպատակով:
Մանե ԹԱՆԴԻԼՅԱՆ
Կարդացեք նաև
ԱԺ պատգամավոր
«Առավոտ». Ավելի ուշ ՀԱՅԷԿՈՆՈՄԲԱՆԿԸ տարածեց հետեւյալ հայտարարությունը.
«ՀԱՅԷԿՈՆՈՄԲԱՆԿԸ կոչ է անում զերծ մնալ իր հասցեին հնչեցվող ավելորդ, անհիմն, մանիպուլյատիվ մեղադրանքներից, վիրավորական արտահայտություններից և զրպարտություններից: Խնդրում ենք յուրաքանչյուր հարց դիտարկել օրենքի սահմաններում առանց բանկի անունը և բարի համբավը անհիմն շահարկելու: 2016թ. Ալավերդու Թումանյան փող. 44/1 հասցեում գտնվող անշարժ գույքը ՀԱՅԷԿՈՆՈՄԲԱՆԿ ԲԲԸ-ի կողմից օտարվել է և ունի այլ սեփականատեր: Հարկ ենք համարում նշել նաև, որ 1996-2016թթ. ՀԱՅԿԷԿՈՆՈՄԲԱՆԿԻ սեփականությունը հանդիսացող նշված տարածքը՝ Ալավերդու նախկին քաղաքի թիվ 18 խանութը, անհատույց տրամադրվել էր քաղաքային պատկերասրահին որպես բարի կամքի դրսևորում:
ՀԱՅԷԿՈՆՈՄԲԱՆԿԻ մամուլի քարտուղար Աննա Մկրտչյան
Մամուլից ծանոթացա Ազգային պատկերասրահի Ալավերդու մասնաճյուղի հետ կապված խնդրին: Դիմել եմ ԿԲ նախագահին խնդրանքով՝…
Gepostet von Mane Tandilyan am Dienstag, 16. Juli 2019
