Թուրքիայի իշխանությունները պետք է դադարեն գրաքննության ենթարկել Սիրիա ռազմական ներխուժման մասին լուրերը, ինչպես նաև այն լրագրողների հետապնդումը, որոնք լուսաբանում են այս թեման: Այս մասին ասվում է Լրագրողների պաշտպանության կոմիտեի հաղորդագրության մեջ:
Տեղեկատվության համաձայն՝ Ստամբուլի գխավոր դատախազությունը հայտարարություն է տարածել՝ արգելելով քննադատական լուրերի, մեկնաբանությունների հրապարակումը Սիրիայի հյուսիսում Թուրքիայի ռազմական գործողությունների մասին, հակառակ դեպքում տվյալ լրագրողը պատասխանատվության կենթարկվի Թուրքիայի քրեական օրենսգրքի և ահաբեկչության դեմ պայքարի օրենքի շրջանակներում:
Ինչպես նշվում է, ոստիկանությունն արդեն իսկ ձերբակալվել է Diken օրաթերթի առցանց կայքի խմբագրին (Fatih Gökhan Diler), քանի որ վերջինս հրապարակել է Սիրիայի դեմոկրատական ուժերի (SDF) հայտարարությունը: Ավելի ուշ լրագրողին ազատ են արձակել, բայց արգելել են լքել երկրի տարածքը: Տեղեկատվության համաձայն՝ հոկտեմբերի 9-ի լույս 10-ի գիշերը ձերբակալվել է նաև BirGün առցանց պարբերականի խմբագիրը՝ Սիրիայի վրա Թուրքիայի կողմից ռազմական գործողության մեկնարկի մասին թվիթի պատճառով: Ավելի ուշ Հաքամ Դեմիրն ազատ է արձակվել՝ երկրից չբացակայելու ստորագրությամբ:
Լրագրողներից ոչ մեկի դեմ մեղադրանք չի առաջադրվել, բայց նրանց պայմանական ազատ արձակումը վկայում է այն մասին, որ հետաքննությունը շարունակվում է՝ ասվում է կոմիտեի հաղորդագրությունում:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
