Ծանրամարտի Հայաստանի մինչեւ 20 եւ 23 տարեկանների հավաքականները Բուխարեստում են: Այնտեղ անցկացվում է այս տարիքային խմբերի Եվրոպայի առաջնությունը:
Մեր ծանրորդներից առաջինը պայքարը սկսել է մինչեւ 20 տարեկանների թիմի անդամ, 55 կգ քաշային Մոնթե Մխիթարյանը, որը պոկում վարժությունում փոքր ոսկե մեդալ է նվաճել 111 կգ արդյունքով: Հրում վարժությունում մեր մարզիկը ցույց է տվել 125 կգ եւ երկամարտի 236 կիլոգրամով բավարարվել է 5-րդ տեղով:
Հայաստանի հավաքականների կազմերը:
Մինչեւ 20 տարեկաններ. 81 կգ՝ Լիանա Գյուրջյան եւ Աիդա Մանուկյան, +87 կգ՝, Արփինե Դալալյան, 55 կգ` Մոնթե Մխիթարյան, 67 կգ` Սևակ Նիկողոսյան, 81 կգ` Ռաֆիկ Հարությունյան եւ Կարեն Մարգարյան, 89 կգ` Կարեն Ավագյան եւ Արա Աղանյան, 96 կգ` Հմայակ Հարությունյան, 102 կգ` Յաշա Մինասյան, +109 կգ` Վարազդատ Լալայան:
Կարդացեք նաև
Մինչեւ 23 տարեկաններ. 87 կգ`Տաթեւ Հակոբյան, 61 կգ` Համլետ Մնացականյան, 67 կգ` Նշան Անտոնյան, 73 կգ` Լևոն Մանուկյան, 89 կգ` Դավիթ Հովհաննիսյան եւ Հակոբ Մկրտչյան, 96 կգ` Սամվել Բաբակյան, 102 կգ` Սամվել Գասպարյան, +109 կգ` Սիմոն Մարտիրոսյան:
Աշոտ ՀԱԿՈԲՅԱՆ
