Այս ձեւով շատ հեշտ է պատրաստել ձուկը, այն շատ համեղ է ստացվում եւ շատ գեղեցիկ է մատուցման համար:
Անհրաժեշտ մթերքները
Պրաս (лук порей)-1 հատ
Ֆենխել -1 գլուխ
Կարդացեք նաև
Կիտրոն-1 հատ
Ձուկ – 1-2 հատ
Չորացրած սամիթ, սեւ պղպեղ, աղ- ըստ ճաշակի
Հոտավետ եւ սեւ պղպեղ՝ չաղացած-մի քանի հատիկ
Կարագ- 50 գրամ
Սպիտակ գինի-100 մլ
Պատրաստման եղանակը
Այս եղանակով կարող եք պատրաստել ինչպես իշխանը, սիգը, այնպես էլ՝ կարասը, պնդաճակատը, կարմրախայտը: Ձուկը մաքրել, լավ լվանալ, կտրատել: Գլուխներն էլ կարող եք օգտագործել, կամ թողնել ապուր պատրաստելու համար:
Հրակայուն խորը ամանի հատակին շարել կտրատած պրասը, ֆենխելը, հոտավետ եւ սեւ չաղացած պղպեղները: Ֆենխել եւ պրաս վաճառում են երեւանյան սուպերմարկետներում՝ կանաչիների բաժնում: Աղ, պղպեղ անել, ապա վրան շարել նախապես աղով, պղպեղով եւ չոր սամիթով համեմված ձկան կտորները: Ձկների արանքներում շարել կտրատած կիտրոնը, կարագի կտորները դնել ձկան վրա՝ մի քանի տեղում, վրայից էլ մի թեթեւ աղ անել, լցնել սպիտակ գինին եւ դնել նախապես 200 աստիճան տաքացված ջեռոցը մոտ 25-30 րոպեով՝ կախված ձկան քանակից:
Մատուցել տաք վիճակում՝ հետը եփված բանջարեղենի հետ միասին:
Բարի ախորժակ:
Պատրաստեց Մելանյա ԲԱՐՍԵՂՅԱՆԸ
