Aravot.am-ի հետ զրույցում խոսելով իր հարցազրույցից հետո իր դեմ սկսված արշավի մասին՝ ՀՀ վաստակավոր արտիստ, երգիչ Արամոն ասաց. «Ես ասել եմ այն ճշմարտությունը, ինչ կա՝ հայ եկեղեցու հետ կապված, որ Հայ եկեղեցու պատմության դասաժամերը լինեն: Սահմանադրությունը փոխում եք՝ լավ եք անում, բան չունեմ ասելու, էդ միասեռականների օրենքն ընդունվի, որ հետագայում խնդիրներ չառաջանան, գյուղացու մասին եմ խոսել… Մի խոսքով, ասել եմ, ինչ կա: Եթե լավ բան էլ արվում է, ես էլի չեմ կարող աչքերս փակել, լավն էլ եմ ասում, հատկապես, որ ոչ էն դաշտում եմ, ոչ էլ մյուս:
Օրինակ, հիմա որ Կապանի ճանապարհը սարքում են, վա՞տ բան են անում…Եթե լավ է՝ լավ է: Եթե բացթողումներ կան, չանդրադառնաս՝ ճիշտ չի լինի: Եթե գովաբանում ես՝ իրենցն ես, իսկ եթե թերություններից ես խոսում, դառնում ես հակառակորդ…Ես ոչ մի կուսակցության անդամ չեմ, ես ազատ արտիստ եմ, որն 85-ից սկսել է իր ստեղծագործական ճանապարհը»:
Արտիստն ասաց, որ հիմնականում ֆեյքային հարձակում է եղել իր դեմ. «Ես չկամ սոցցանցերում, իսկ էդ ֆեյքերը, որ կան, դրանք մարդիկ չեն»:
Կարդացեք նաև
Գոհար ՀԱԿՈԲՅԱՆ