Քիչ առաջ դատարանը հրապարակեց 2003-2018-ը Հանրային ծառայությունները կարգավորող հանձնաժողովի (ՀԾԿՀ) նախագահի պաշտոնը զբաղեցրած Ռոբերտ Նազարյանի նկատմամբ կալանավորումը որպես խափանման միջոց կիրառելու միջնորդության հետ կապված որոշումը:
Aravot.am-ին Ռոբերտ Նազարյանի փաստաբան Սասուն Ռաֆայելյանը տեղեկացրեց, որ դատարանը մերժեց քննիչի միջնորդությունը: Փաստաբանն ասաց. «Ռոբերտ Նազարյանն ազատության մեջ է»:
Հիշեցնենք՝ օգոստոսի 7-ին Ռոբերտ Նազարյանին և ՀՀ հանրային ծառայությունները կարգավորող հանձնաժողովի նախկին երկու անդամներին մեղադրանք էր առաջադրվել:
Ըստ մեղադրանքի՝ «Ռոբերտ Նազարյանը և հանձնաժողովի նախկին անդամներ Շիրազ Կիրակոսյանը և Մուշեղ Կոշեցյանը առանձին տնտեսվարող սուբյեկտի համար արտոնություններ սահմանելու անձնական շահագրգռվածությունից և խմբային շահերից ելնելով, 2011 թվականի ընթացքում չարաշահել են իրենց պաշտոնեական լիազորությունները, որն անզգուշությամբ առաջացրել է ծանր հետևանքներ»: Ռոբերտ Նազարյանը մեղադրվում է իրավաբանական անձանցից առանձնապես խոշոր չափերի՝ 7,052,065,099 ՀՀ դրամ հավելյալ գումար ստանալու մեջ:
Կարդացեք նաև
Տաթև ՀԱՐՈՒԹՅՈՒՆՅԱՆ