ԲՀԿ առաջնորդ Գագիկ Ծառուկյանը կուսակցական ակտիվի հետ հանդիպումների շրջանակում այցելել է Արագածոտնի մարզ եւ հանդիպել Ապարանի տարածքային կառույցի անդամների եւ պատասխանատուների հետ:
Գագիկ Ծառուկյանը ապարանցիների հետ հանդիպման ժամանակ ասել է, թե մարդկանց խնդիրների մասին պետք է խոսել ոչ թե ֆեյսբուքում, այլ իրական հանդիպումների ժամանակ:
«Այսօր, այո, սոցիալապես եւ տնտեսապես շատ ծանր վիճակում են մարդիկ: Դրա համար հարկավոր է հանրության հետ, ժողովրդի հետ շփվել, տեսնել, լսել: Մարդիկ այսօր սնանկացած, աղքատացած են: Առաջին խնդիրը՝ պետք է կարողանան համաճարակի դեմ պայքարեն, քայլեր կատարեն: Դրա համար հարկավոր է փորձ ունենալ, տիրապետել, հասկանալ, որպեսզի արդյունավետ քայլ կատարվի եւ ժողովուրդը իր առօրյայում զգա»,-հայտարարել է Գագիկ Ծառուկյանը:
Աշոտ ՀԱԿՈԲՅԱՆ
