ԱՄՆ -ի նախագահ Թրամփը չի ճանաչում ընտրությունների արդյունքներն, ըստ որոնց՝ հաղթել է նախկին փոխնախագահ Բայդենը: Նա պնդում է, որ առկա են եղել բազմաթիվ իրավախախտումներ, որոնց գնահատականը պետք է տա դատարանը։
«Մենք բոլորս գիտենք, թե ինչու է Ջո Բայդենը շտապում կեղծել և ներկայանալ որպես հաղթող, և ինչու են նրա դաշնակից ԶԼՄ-ներն այդքան ջանում օգնել նրան: Նրանք չեն ցանկանում, որ ճշմարտությունը բացահայտվի»:
Ըստ նախագահի՝ փաստ է, որ այս ընտրությունները դեռ ավարտված չեն: Նա շեշտում է, որ Ջո Բայդենը չի ստացել իր հաղթանակի վավերացումը նահանգների կողմից, առավել ևս, ըստ նրա, վիճահարույց նահանգներից, որտեղ ընթանում է պարտադիր վերահաշվարկ: Նա ընդգծում է, որ իր թիմը մի շարք նահանգներում օրինական ճանապարհով բողոքարկում է ընտրությունների արդյունքները, և դա կարող է որոշել վերջնական հաղթողին:
«Օրինակ ՝ Փենսիլվանիայում մեր օրինական դիտորդներին թույլ չեն տվել մուտք գործել և դիտել հաշվարկման գործընթացը: Օրինական ձայներն են որոշում, թե ով է նախագահը, այլ ոչ թե լրատվամիջոցները»,- ասել է Թրամփը:
Կարդացեք նաև
Նա տեղեկացրել է, որ երկուշաբթի օրվանից իր քարոզչական թիմը կսկսի դատական հայցեր ներկայացնել դատարաններ, որպեսզի պահպանվի ընտրական օրենսդրությունը և բացահայտվի օրինական հաղթողը:
Նյութն ամբողջությամբ՝ սկզբնաղբյուր կայքում
