«Լեռնային Ղարաբաղի ճանաչման հարցը լուրջ խնդիր է։ Բոլոր հետեւանքները պետք է հաշվի առնել որոշում կայացնելուց առաջ։ 1991թ.-ին Լեռնային Ղարաբաղը հռչակեց անկախություն, եւ ոչ մի պետություն դեռ չի ճանաչել այն, անգամ՝ Հայաստանը»,-Ֆրանսիայի սենատում այսօր Լեռնային Ղարաբաղը ճանաչելու անհրաժեշտության մասին բանաձեւի քննարկման ժամանակ հայտարարեց Ֆրանսիայի արտաքին գործերի պետքարտուղար Ժան Բատիստ Լըմուանը։
Հիշեցնենք, որ սենատն այսօր ընդունեց բանաձեւ, որով կառավարությանը կոչ է անում ընդունել Արցախի անկախությունը։
Պաշտոնյան հարցադրում արեց. «Գործադիրը պարտավոր է ինքն իրեն հարց տալ՝ այս քայլը օգտակար կլինի՞ հենց Լեռնային Ղարաբաղին։ Ճանաչումը ոչ ոքի օգուտ չի բերելու՝ ոչ Լեռնային Ղարաբաղին, ոչ ՀՀ-ին, ոչ Ֆրանսիային, եւ ոչ էլ ԵԱՀԿ Մինսկի խմբին, որի անդամ է Ֆրանսիան։ Խնդրի լուծում չի կարող լինել միակողմանի քայլի միջոցով: Բանակցությունների շարունակականության ապահովման համար կողմերին հարկավոր է, որպեսզի համանախագահներն օգնեն իրենց»։
Լուիզա ՍՈՒՔԻԱՍՅԱՆ
Կարճ ասա՝ մինչև ԱՄՆ-ը չճանաչի,մնացած ճանաչումները կոպեկ չարժեն