«Մենք մինչեւ ուղն ու ծուծը խաբված ենք։ Ավտոմատները մտցրին խորհրդարան՝ գնդակահարեցին։ Մարտի մեկին տասը հոգու սպանին, ոչ մեկին չպատժեցին։ Հավի ճո՞ւտ էին այդ մարդիկ։ Մենք այս ամենը տեսել ենք եւ հիմա որեւէ մեկին չենք հավատում»,-Aravot.am-ի հետ զրույցում ասաց արարատցի Ատոմ Արթենյանը։
Նա երեկ եկել էր Արարատի մշակույթի տան դիմաց անհամաձայնություն հայտնելու, որտեղ տեղի էր ունեցել «Հայրենիքի փրկության շարժման» վարչապետի թեկնածու Վազգեն Մանուկյանի հանդիպումը համախոհների հետ։
«Այո, պատերազմում պարտվեցինք, բայց պարտվեցինք այն պատճառով, որ ոչինչ չունեինք։ Մեղավորությո՞ւնը․․․5 պետությունով հարձակվել էին այս չփլախ երկրի վրա, ոչ մի բան չունեինք՝ ինքնաթիռ խփեինք, ո՞ւմ մեղադրենք։ Քսան տարում ոչինչ չեն արել, երկու տարում ի՞նչ պետք է արվեր»,-հարցադրում արեց Արթենյանը։
Ինչ վերաբերում է «Հայրենիքի փրկության շարժման» քաղաքական օրակարգին, նա տարակուսեց․ «Չգիտեմ՝ Վազգենն ո՞վ է, գիտեմ, որ դրանց խմբից է՝ «վերխուշկից»։ Մենք համաձայն ենք, որ ժամանակավոր կառավարություն լինի, բայց չենք հավատում նրանց։ Վազգեն Մանուկյանն էլ չի ասել՝ ի՞նչ է անելու։ Թող մի հատ ասի, թե ինչ է պատրաստվում անել»։
Կարդացեք նաև
Լուիզա ՍՈՒՔԻԱՍՅԱՆ
