«Ազատություն». Վարչապետի և Կառավարության հրաժարականը պահանջելու վերաբերյալ Հայաստանի Զինված ուժերի գլխավոր շտաբի երեկվա հայտարարության վերաբերյալ քրեական վարույթ դեռևս չկա։ Այս մասին «Ազատության» հայտնեց գլխավոր դատախազի օգնական Գոռ Աբրահմյանը՝ հավելելով՝ հայտարարությունն ուսումնասիրվում է։
«Գլխավոր շտաբի հայտարարությունը և դրա շուրջ զարգացումների հնարավոր ռիսկերը մեր ակնդետ ուշադրության ներքո են, և Քրեական օրենսգրքով նախատեսված ցանկացած հանցակազմի հատկանիշ պարունակող կոնկրետ դրսևորումներ, տարրեր ի հայտ բերվելու պարագայում պարտադիր և անմիջապես հետևելու է քրեաիրավական արձագանքը», – տեղեկացրեց Աբրահամյանը։
Արտակ ԽՈՒԼՅԱՆ
