ԱԺ-կառավարություն հարցուպատասխանի ժամանակ այսօր անկախ պատգամավոր Տիգրան Ուրիխանյանը դիմեց վարչապետ Նիկոլ Փաշինյանին՝ շեշտելով, որ երկրում ներքաղաքական վիճակը քաոսային է, այսպես շարունակել հնարավոր չէ, վերջը ի՞նչ հանգուցալուծում է լինելու։
Արդեն 4-րդ անգամ Նիկոլ Փաշինյանի փոխարեն հարցին պատասխանելու համար ամբիոնին մոտեցավ փոխվարչապետ Տիգրան Ավինյանը եւ ասաց․ «Ներքաղաքական ճգնաժամ, այո, կա, եւ մենք հայտարարել ենք, որ պատրաստ ենք լինել ճկուն, կազմակերպել արտահերթ խորհրդարանական ընտրություններ եւ քննարկել սահմանադրական բարեփոխումների հարցը եւ կիսանախագահական համակարգին վերադառնալու հարցը»։
Ավինյանի խոսքով՝ հազար ու մի խնդիր կա լուծելու եւ կրկին պատրաստ են խորհրդարանական ընդդիմության հետ քննարկել, պայմանավորվել՝ արտահերթ ընտրությունների կազմակերպման հետ կապված։
Ուրիխանյանը նկատեց՝ եթե ընդդիմությունը համաձայն չէ, այսպես պետք է շարունակվի՞։ Ավինյանը պատասխանեց․ «Մենք ենք շահագրգռված, որ ճգնաժամը հանգուցալուծվի։ Պատրաստ ենք ամեն տիպի քննարկման, օրակարգը բաց է։ Ընդդիմության առաջարկները նոր ճգնաժամի ականներ են պարունակում։ Մենք նախաձեռնելու ենք քննարկումներ»։
Կարդացեք նաև
Լուիզա ՍՈՒՔԻԱՍՅԱՆ