Ինչպես տեղեկացրել ենք, այսօր ԱԺ արտահերթ նիստում երկրորդ ընթերցմամբ եւ ամբողջությամբ ընդունվեց «Քրեական օրենսգրքում» փոփոխությունների փաթեթը եւ «Հարկային օրենսգրքում» փոփոխությունների նախագիծը:
Վարման կարգով ձայն խնդրելով՝ «Իմ քայլի» պատգամավոր Ռուբեն Ռուբինյանը դիմեց ԱԺ նախագահ Արարատ Միրզոյանին. «Արդեն երկար ժամանակ է՝ մեր երկու ընդդիմադիր խմբակցությունների ներկայացուցիչները չեն գալիս ԱԺ խորհրդի նիստերին, իսկ լիագումար նիստերին լավագույն դեպքում առավոտյան գալիս, գրանցվում են, այսինքն ներկա են ստանում, որպեսզի աշխատավարձ ստանան եւ գնում են: Կարծես թե քաղաքական բոյկոտի մասին հայտարարություն չեն արել, նաեւ տրամաբանական չէր լինի, որովհետեւ, ինչպես ասացի, գալիս գրանցվում, գնում են: Ուզում էի իմանալ՝ որեւէ տեղեկություն ունե՞ք, թե ի վերջո ո՞ւր է կորում մեր ընդդիմությունը պարբերաբար»:
Միրզոյանի պատասխանը հակիրճ էր. «Ո՛չ»:
Կարդացեք նաև
Հիշեցնենք, որ «Լուսավոր Հայաստանից» Անի Սամսոնյանը կոնկրետ այսօրվա նիստին մասնակցում էր, հարցեր էր ուղղում հիմնական զեկուցողին:
Հռիփսիմե ՋԵԲԵՋՅԱՆ
