Այսօր՝ Թանգարանների միջազգային օրը, Գյումրու պատմական հատվածը, որտեղ տեղակայված են թանգարանների մեծ մասը, առավել քան երբևէ մարդաշատ է։
Ճիշտ է՝ Գյումրիում թանգարան մտնելու հերթեր միշտ են գոյանում, հատկապես շաբաթվա վերջին օրերին, երբ այս քաղաքը զբոսաշրջիկների պակաս չունի, սակայն այսօր հերթ կանգնելու առումով պատկերը ռեկորդային է։
Լուսանկարում Գյումրու Աբովյան ճեմափողոցն է, որտեղ գտնվում է «Մարիամ և Երանուհի Ասլամազյան քույրերի պատկերասրահ»-ը։
Արսեն Միրզախանյանի ֆոտոխցիկը ֆիքսել է թանգարան մտնելու համար հերթ կանգնելու տեսարանը։
Կարդացեք նաև
Լուսանկարի հեղինակը իր լուսանկարը վերնագրել է․ « Թանգարանների միջազգային օրը Գյումրիում…»։ Հազարավոր օգտատերեր կիսվել են՝ դարձնելով համացանցի օրվա հիթը։
Նունե ԱՐԵՎՇԱՏՅԱՆ
